Dang yang yei mynjur naka NHAI yow pynhiar bai dan haka Toll Plaza

Ynne ka sngi u DC ka West Jaiñtia Hills, u Garod LNS Dykes da khut u ya ki sahep ka NHAI wow yaklam hajrong ki kaam wa yatoh wa ka Toll Plaza wa em ha 7 Mer kam chibynta wow booddien ya ka yalang hapyrdi ki bor District wa ki seiñbhalang kawa da man ha i janmiet ka 16 Thohlakhmi 2021.

Ya ka NHAI da wan mihkhmat da u Project Director yong ka uwa pait ya ka jylla Meghalaya u Karge Kamki wa kiwi kiwi wei neiliang ka District hajrong u DC da emlang leh u ADC, u PK Boro.

Hadien ka yalang neiliang u Garod da pyntip u wa ha ka yalang da yaklam hajrong ka Leak Road namo ki sarok khyndaw kiwa harood ka Toll Plaza ya kiwa pynemkaam ki kari wow lait u su ya ka dan ha kani ka Plaza.

U Garod da ong u wa katkam ka aiñ ym chah ya ki kari wow pynemkaam ya kini ki sarok Leak Road.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka phang wa ar wa da yaklam toh hajrong i pynkrehkaam ya ka FASTag ya kawa da pynemkaam ha waroh kawi ka ri nadooh ka 15 Thohlakhmi heiwa boon hi hapoh ka District ki kari ym em ki ya kini ki FASTag.

Da yaklam leh hajrong ka rai na ka yalang wa pynman ha ka 16 tarik u bnai wa dadep hajrong i pynhiar dor ya ka dan neibynta ki kari na ka District heiwa ki sahep ha katai ka yalang da ong ki wa daw phah ki yeini i dawa cha ki bor ka NHAI kiwa em hajrong.

Heiyatoh wa ini, neiliang u DC da ong u wa ynne ka sngi kini ki sahep ka NHAI da pyntip wa pdiang hi ki wow pynhiar dor khamtam yaki Taxi tangwa dang yang ki ya i rai na ki bor wa hajrong heiyatoh wow pynduna ya ka dan ya ki kari ha ka District.