Ynne ka sngi hawa yaklam wa u SP ka West Jaiñtia Hills, u Bikram D Marak da pynche u hajrong i chah kem ki ar ngut ha ka 3 tarik kiwa thmu wow tympdung bomb ya ka Ialong Toll Plaza.
Da ong u wa hadien wa kem ya kini ki ar ngut da yah ki ya ki pulit cha i thaw wa booh ya kini ki tiar tympdung wa kynthup ya ki ya 5 tylli ki Gelatine Stick, 10 tylli ki Detonators wa ki Fuse Wire wa jrong 13ft 7 in.
Heiyatoh wa i daw wa thmu ki wow leh ya ini i kaam, neiliang u Marak da ong u wa katkam wa man katni dang pynman ya i takit wei ympu ye u ong ya i daw wa thmu ki wow leh yeini.
Da ong u leh wa em hi kiwi ki bru wa emkti heini wei i takit dang lai i chaphrang.
