U MLA ka BJP na Shillong South, u Sanbor Shullai da yachem u ya u Professor J.S. Rajput uwa mihkhmat ya ka India ha ka Executive Board ka UNESCO ha yung yong oo ha Greater Noida ha ka 5 tarik uni u bnai.
Ha ini i yachem u Sanbor da kyntu u yow yoh yei kyrchaan ka UNESCO yow pynman kyrpang (Heritage Site) ya ka chnong Kongthong, East Khasi Hills kawa da tip leh kam ka Whistling Village deiwa kyntu ya u Professor Rajput wow wan cha kani ka chnong khnang wow tip bniah chaphang yong ka.
Heiyatoh wa ini, u Professor Rajput da kular u wow rah ya kani ka kaam ha ka UNESCO lyngba ka Ministry of Cultural Affairs wei u Sanbor da lai yachem u leh ya u MP ka Rajya Sabha, u Rakesh Sinha ha yung yong oo ha New Delhi wow ekhublei ya oo ya ki kaam u heiyatoh wa kani ka chnong.
Chooh chooh u Rakesh da kular u leh wow yarap ha i yoh i la ki paidbah kani ka chnong khlem pynkhih namo pynkylla yei man kyrpang ki bru kani ka chnong.
