Phooh phieñ ka Dorbar Kyrsu Kyntu ka Seiñ Khynroo Khyllood ka Seiñ Raij Chnong Pasyih

Ka Dorbar Kyrsu kyntu ka Seiñ Khynroo Khyllood ka Seiñ Raij Chnong Pasyih (Raij Tuber) kawa man ynne ka sngi ha chnong Pasyih da man ko kawa phooh wa phieñ wei kawa jop deiwa wan tooid ki khon ka Seiñ Raij Chnong Pasyih cha kani ka Dorbar Kyrsu Kyntu.

Ya kani ka Dorbar da sdang ha i por 11:00 waje i step wei hawa sdang ya kani ka Dorbar da yoh chwa ya ki kyntien pdiang burom na u President ka Seiñ Khynroo Khyllood ka Seiñ Raij Chnong Pasyih u Phaimi Kyndait, ha kani ka Dorbar da wan wow ya chimbynta leh da u Pa Dolloi ka Elaka Jowai u Puramon Kynjing uwa da e yei sneiñ kyntu hajrong ka phang “Ka Niamtre ha i lai i por” wei da bood won sa u Bewil Shylla, President ka Seiñ Raij Tuber hajrong ka phang, “Ki khynroo khyllood ha ka niam ka rukom.”

Neiliang won u Mario Biam, General Secretary ka Sengkhihlang da klam u hajrong ka phang, “Ka Sengkhihlang ha ki khon ki ksu u Ynñiaw Trep U Ynñiaw Skum.” Da yoh leh yei klam na u Wom Chyrmang, President ka Seiñ Kyntu Seiñ Raij 12-Dolloi hajrong ka phang “I kaamram ki khynroo khyllood ha ka imlang shalang,” wei khaddooh dooh da yoh ya i sneiñ i kroo na u Pa Dolloi ka Elaka Shangpung u Shanki Langbang hajrong ka phang “I Tip Bru I Tip Blai.”

Related posts

Da pynthymme ya kiwa krehkaam ka Dorbar Chnong Chiliangraij

September 16, 2025

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Da pynchongchit ya kani ka Dorbar Kyrsu Kyntu ka Seiñ Khynroo Khyllood ka Seiñ Raij Chnong Pasyih da ki chaad tynre na ki khon ka Seiñ Raij Chnong Pasyih na ki kyntoit dong waphær waphær napoh ka chnong Pasyih.

Ini toh katkam wa pynlait khubor u Robert Dkhar, Secretary ka Seiñ Khynroo Khyllood Seiñ Raij Chnong Pasyih Raij Tuber.