La 26 tylli ki khnap-thangbru da chna ka sorkar hapoh ka jylla

Hadien wa da em wa yaleh mukotduma ha ka Meghalaya High Court wa ym yoh thaw thang-bru yow pyndep yaka leh niam ki Seng Khasi wa ki Niamtre heiwa ka High Court leh da pynmih hukum ko wa ka sorkar toh u khut yalang ko ya kiwa chah ktah yow pynbiang thaw wow thang-bru ya ki.

Ynne ka sngi hapoh ka dorbar mang poisa ka sorkar Meghalaya, neiliang u MLA ka Mawphlang u SK Sunn da kylli u wa hadien wa da ya soi soskular (MoU) ka sorkar Meghalaya waka Seiñraij Jowai yow chna yaki khnap-thangbru (Eco Friendly Crematorium) katkam wa da chna da u (L) Kambel Shullai. U MLA da kylli u wa katwon tylli kam kini ki khnap-thangbru da dep chna daka sorkar jylla.

Hawa e yei jubab, u montri wa pait leh yaka chnat khloo u James Sangma da pyntip u wa da chna hadooh 26 tylli kam kini ki khnap-thangbru.

Ha u snem 2009-10 da chna ar tylli (Mihmyntdu wa Thadmuthlong, WJH) hei dor T. 15,43,564, ha u snem 2011-12 da chna biang artylli (Sabhmuswang wa Pasyih, WJH) hei dor T. 20,50,000.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Ha u snem 2012-13 da chna hadooh 15 tylli kitæ ha Mukhaialong, Mynkrem, Padu, Ialong, Laskein, Nongkynrih, West Jaiñtia Hills, ha East Jaiñtia Hills-Khliehriat, ha East Khasi Hills-Lumpariang, Lawsohtun, Nongkrem, Marbisu, Nongkylliang wa ha Wahkhen, ha South West Khasi Hills-Nonglang wa Rangblang, Ri Bhoi- Byrnihat kiwa da yoh poisa wow chna hapoh ka 12^th Finance Commission.

Ha u snem 2013-14 da chna 7 tylli. Ha West Jaiñtia Hills-Myntkhung, Khonchnong, Ri Bhoi- Nongpoh, East Khasi Hills-Mawlam, ha South West Khasi Hills-Shaid Shaid Umoid, West Garo Hills-Tura, Phulbari. Ya kini da chna hapoh ka 13^th Finance Commission.

Heiyatoh won wa i wym yoh NOC ka chnong Mynsoo wow chna ya ka khnap-thangbru. U James da jubab u wa ym em yoh yutip u hajrong ini wei daw pait u ya ini.

U Sunn da kylli u leh wa lada ym toh i chah pyndooh hok ki bru wow pyndep niam lada ym yoh thaw thang-bru ki? U James da ong u wa ym em leh chilliang wei lada em iwon iwon i jia wa ym yoh thaw lane wym yoh NOC, ka sorkar daw pynbait ko ya ini wei ka sorkar u pteiñ ko u kyrchaan wow chna chooh chooh ya kini ki khnap-thangbru katwa yoh poisa wei kat hawa emkaam ya ki.

Ini ym em kheiñ ya kiwi kiwa da chna da ki chong ki thaw wa kiwa yarap ki MLA, ki MP wa kiwi kiwi wei waroh da em ki palat 80 tylli kam kini ki khnap-thangbru hapoh ka jylla.