U Montri Rangbah ka Jylla, u Conrad K Sangma da ong u wa ki 2 ngut kiwa suba emkti ha i tih mooyong tooh ha Sorkari, Deinshalalu, East Jaiñtia Hills District da lait jamin ki.
Da pyntip u wa ki pulit da kem ki ya uwi hajrong ini i kaam wei da lait jamin noh u katwa uwi won da lait jamin u chwa wow chah kem.
U Montri Rangbah da jubab u ya iwa kylli ka MLA na East Shillong, ka Dr. Ampareen Lyngdoh hajrong i khlaad ki 6 ngut kiwa mylla ha thaw tih mooyong ha u Duyatra uni u snem ha kawi ka thaw tih kooyong ha East Jaiñtia Hills.
U Conrad da ong u wa katkam ka bui wa da yoh, kini ki 6 ngut da khlaad ki nei tkut ka Crane ha kawi ka paar mooyong tangwa ya i metyap yong ki da chem cha baar i thaw wa kreh ki.
Da ong u wa hajrong ini i jia da pynngat hapoh ka aiñ Mines and Minerals Development and Regulation (MMDR) Act, wa ha ka Explosive Substance Act.
