Ka Village Organization Mowtyrshiah-A kawa kdup ya ki 24 tylli ki SHG da lehwarom ko ya ka International Women’s Day ynne ka sngi ha Community Hall Mowtyrshiah hajrong ka phang “Women in Leadership: Achieving an equal future in COVID -19 World” heiwa da wan chimbynta da waroh ki 24 tylli ki SHG.
Ha kani ka sngi u EM ka JHADC, u Winning G Sungoh da man u kam u kongsan hei emlang u Branch Manager ka SBI Raliang u Hamly Dkhar, u Waheh Chnong u Kamdathmu Suchiang, Secretary VEC wa kiwa kreh ka Laskein CHC.
Neiliang u Wining hawa e yei klam da yaroh u ya ki manbei wa da kreh chitom ki wei da chimkhia ki leh ya ki kaam deiwa ong wa i por da toh i wa ki kynthai u mih ki chakhmat wow kit ya ki kaam chnong kaam thaw ka imlang sahlang wa i synchaar khadar.
Da ong u leh wa ka District Council da chimkhia ko wow pynkupbor ya ki kynthai deiwa pynpsiah ya ki ha ki Dorbar Chnong wa Dorbar Elaka wei da kyntu leh ya ki wow em i chaniah wei wow yait nei mutdur sih iwi ya iwi khnang wa ki seiñ yong ki u ku ki chaphrang.
Da yoh leh i batai bniah hajrong u e dawai yada COVID-19 na ki Nurse yong ka Laskein CHC.
Ya kani ja sngi da pynphooh da ki drama wa tbian wa kiwi kiwi.
