Kam chibynta yong ka “Bharat Ka Amrut Mahotsav”, namo i lehkmen yei dap 75 snem wa laitlooid ka ri, neiliang ka Meghalaya State Legal Service Authority Shillong ynne da pynman ko ya ka Legal Awareness Programme hajrong ka phang ‘Legal Aid and Fundamental Duties’ ha Community College, Bellefonte, Shillong.
Ha kani ka sngi, u N.A. Khan, MHJS, District and Session Judge, Shillong & Member Secretary, Meghalaya State Legal Services Authority Shillong, da ekhublei u ya ka Bellefonte kawa da e chakri hei stat i tip ya kiwa tymbuiñ i yoh i la ha ka imlang sahlang.
Da ong u wa i dooh toh i daw wa khroo dooh ha ka imlang sahlang khamtam hei wow yoh yei stat i tip wei ka Bellefonte da ye ko u yarap wow pynwiar ya i eh i khoo ki paidbah heiyatoh wa i puræ puthi.
U Khan da ong u wa ki khynnah ymye ware ki u pynsñiaw yei angnood ki na kiwa boon ki daw kamtæ emkaam wow pynchlur ya ki u thoh chithi, u thoh Article wa kiwi kiwi.
Da pyntip u leh wa ka MSLSA esikai ko ya ki khynnah heiyatoh wa ki aiñ wei ki won u ye ki u batai ya kiwi hajrong ki aiñ wa ki hok ki bru khamtam ha ki thaw palatsor deiwa kular leh wa ka MSLSA u yarap ko ya kam kini ki thaw puræ wow sdang ya ki Legal Support Centres.
