I sdang yaka yalehke yong ka Second Round ynne ka 12 tarik ha ka lympung Cricket ka Seiñraij Niamtre Ummulong kawa tip kam ka Ram Sing Lamare Cricket Tournament Cup 2021, da pynman hapyrdi ka Phramer pyrchah ya ka Evergreen.
Ha kani ka yakhun ka yaleh da man ko kawa yoosuk bha heiwa ki arliang da yaleh bha ki wow pynyoo ya i sap yong ki wei hawa kut ka Phramer da jop ko da 95 Run.
Kiwa kamai boon Run dooh toh u Submit Maysang uwa da yoh 82 Run wa u Sagar Thapa 36 Run naka Phramer.
Kiwa kawang bol wa ye u pynhaap boon Wicket dooh toh u Depak Das 5 Wicket naka Phramer katwa u Khim Dkhar na ka Evergreen da yoh pynhaap u 2 Wicket.
