Palat T. 829 klur yoh ka sorkar kam ka Royalty na u mooyong nadooh wa khang ka NGT

Ka sorkar Meghalaya lyngba ka Royalty wa yoh na u mooyong wa da dep tih nadooh u 2014 wa khang ka NGT wow tih mooyong da yoh ko wow lum hadooh T. 829,42,86,207 da pyntip u montri rangbah u Conrad Sangma hapoh ka yung dorbar ynnin ka sngi.

Ya kani ka poisa da pyntip u wa da booh hapoh ka Treasury ka sorkar kawa da pynemkaam yeiwa emkaam ka sorkar.

Da pyntip u leh wa 3,84,221 Metric Ton u mooyong toh uwa da dep dai lilam heiwa ka sorkar da yoh ko T. 71.22 klur na kiwa thied.

Ya ini da jubab u Conrad hawa kylli u MLA ka KHNAM u Adelbert Nongrum heiwa da kylli pynrap u wa ya kani ka poisa kammon da pynemkaam ka.

Related posts

Kyrchaan tylli ka chnong Kyanmynsar ya u Remdorkupar Lyngdoh, u kyrtong ka NPP na Saphai Constituency

January 23, 2025

Rs. 40 klur pynlait poisa ka sorkar cha ka JHADC

January 22, 2025

U Conrad da jubab u deiwa ong wa chimpor wow khana thij pa thij cheiwon da pynemkaam ya kani ka poisa neibhah da booh lang yaka deilang wa kiwi ki poisa ka sorkar wei da pynemkaam lang yaka deilang wa kiwi ki kaam ka sorkar.

Chooh chooh da ong u wa lada u Adelbert kwah u wow tip yeini, ye u wow puræ na ki kot ki sla wa da booh yukheiñ ka sorkar yei pynemkaam yaka poisa.