Ka JSU-Khliehriat Circle da beiñ joor ko ya ki damok thrang snam kiwa tynyap ya ka khynnah skur kawa naka chnong Pamrakmai kawa dang 16 snem i rta kawa dang puræ Class X ha Wapungskur Secondary School. Heiwa yei metyap yong ka da chem na iwi i khloo ha Dkhiah East, (Ar Kilo) East Jaintia Hills.
Neiliang u President ka JSU Khliehriat Circle u Livingson Dkhar Sama da dawa u ya ki bor ka aiñ wow kem kamjooh u pynchitom deiwa khor ya kiwa emkti ha ini i kaam.
Da ong chooh chooh u wa kini ki jait kaam da jia ki khak khak hapoh kani ka District wei na ini i daw da kyrpaad u ya ki bor ka aiñ wym toh de u jia ma jia kamni neini chakhmat wei wow kdong leh ya ki damok hadooh wa chem.
Da pynkynmoo leh wa kam ini i jooh dang dep wot u jia wa chah tynyap ka khynnah skur kawa da chem na iwi i khloo ha ka chnong Sohkymphor.
Ka seiñ lyngba u General Secretary, u Emanuel Bhoi da phah ko leh ya ka khubor sñiawlem cha kiwa ha yung ha sem wa haap maad ya ini i kthang.
