I chah pynyap beiñ sa kawi ka khynnah skur kawa puræ Class X kawa dang 16 snem i rta kawa lai skur ha Wapungskur kawa na ka chnong Pamrakmai, East Jaiñtia Hills ha ki bru jrah snam man ko iwa pynsyir ya i lai i wan ki bru hapoh ka imlang sahlang khamtam ya ki kynthai khynnah kamjooh leh ya ki bei ki pa yong ki khynnah.
Ini i jia chah pynyap ki kynthai khynnah ha ki bru wym tipmit, ym toh de i jia wa nyngkong tangwa da jia i na i por cha i por hapoh ka District. Tangwa iwa pyndooh bor pyndooh mynsien ya kiwa boon wa lang toh wa ka chnat pulit lane ki bor yong ka aiñ ym jooh ye ki u thooh tre ya kiwa emkti ha kam kini ki kaam pynyap beiñ ya ki kynthai khynnah, wei ini pynyoo ko ya i tlot ki bor ka aiñ hapoh ka District, ong u W. Suting, President JNC.
Ka seiñ da beiñ wei pynrem joor ko leh ya kam kini ki bru kwah snam kiwa emkti hei wow pynyap bru na i por cha i por.
Ka seiñ da kyntu joor ko leh ya ka chnat pulit wow thooh tre ya kiwa emkti hadooh wa chem wei wow pynchitom deiwa khor ya kiwa emkti katkam ka aiñ khnang wa i lai i wan yong ki khynthai khynnah u man i iwa chngaaiñ hapoh ka imlang sahlang neini chakhmat, pynkut u W.S. Suting President JNC.
