Ka Meghalaya People United Front (MPUF-EJHD) da pynsñiaw ko i sñiawkhia hajrong i chah tynyap kawi ka khynnah skur kawa 16 snem i rta na ka chnong Pamrakmai, East Jaiñtia Hills.
Ka seiñ da kyntu joor ko yaka chnat pulit wow chimkhia yeini i kaam khamtam khnang wow lait kam ini ijia neipor cheipor ha ka District.
Da pynkynmoo ko leh yeiwa jia ini wadeo ha chnong Sohkymphor ya ka khynnah skur hi tangwa hadooh katni wym em u chem tre ya kiwa emkti kamtæ ka seiñ da dawa joor ko yaka chnat pulit wow chimkhia yeini i kaam khnang yow tip yei sakhiat.
Da dawa ko leh wow pasi ya kiwa emkti ha ini i kaam heijooh i por yow man ko iwa chngaaiñ ya ki khynthai khynnah hapoh kani ka District khatam ha ka jylla Meghalaya hi waroh kawi.
