Dawa ka KJLU wow pynkhlan yaka takit chah pynyap ka khynnah skur

Ka Khasi Jaiñtia Labour Union (KJLU) East Jaiñtia Circle da pynsñiaw ko yei sñiawsih wei sñiawdiaw deilang wa i beiñ joor hajrong i jia iwa da pyntieñ pynsmiej ya kiwa chong chnong, heiwa kawi ka khynnah skur kawa dang puræ Class X ha Wapung Secondary School kawa chong wa sah ha Pamrakmai, East Jaiñtia Hills da dooh noh ko yei mynsien wa kordor yong ka heiwa yei metyap da chem na Ar-Kilo, Dkhiah East, East Jaiñtia Hills District.

Ka seiñ da pynknymoo ko leh yeiwa jia ya kawi ka khynnah skur ha chnong Sohkymphor kawa da chah pynyap wei i tkoh i krehkaam ki bor pulit da pynman ko yaki damok wow leh biang ya kam kini ki kaam wei hadooh katni ym tip kiyi wa emkti ha kini ki kaam wa chyrkhei.

Neiliang ka KJLU East Jaiñtia Circle lyngba kani ka kyrwoh da kyntu ko ya waroh kiwa chong chnong yong ka thaaiñ East Jaiñtia, nadooh kiwa yalam chnong, ki seiñbhalang, ki seiñ khynroo, ki seiñ manbei wow ya krehlang wei wow pait bniah ya i long i man yong ka imlang sahlang deiwa ya krehlang wa ka aiñ khamtam ha kam ini i jia.

Ka KJLU East Jaiñtia Circle da kyrpaad joor ko ya ka sorkar wow pynkhlan wei pynsmat ya ka takit wei wow leh da iwa eh yow kdong yaki damok wei wow pynchitom da iwa khor.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka KJLU East Jaiñtia Circle da e ko leh yei ya krehlang wa ki bor ka aiñ yow thooh ya kiwa emkti yow pyntkut yei mynsien bru.