U Montri uwa pait ya ka chnat i chait i khiah ha ka jylla, u Alexander Laloo Hek da ong u wa i pynpsiah pyrtuid ha ka Megha Health Insurance Scheme (MHIS) Phase IV u sdang biang ko nadooh ka 22 tarik uni u bnai wei da ye leh u pynpsiah pyrtuid ha ki PHC, CHC, Online, ha ki Hospital wa chah sumaar kamjooh ha ki yung krehkaam ka MHIS kiwa em ha Shillong.
Hawa jubab yeiwa kylli u MLA ka Congress na Nongpoh, u Mayralborn Syiem, neilang u Montri da pyntip u wa hadooh ka 1 tarik uni u bnai, ki manyung kiwa hapoh ka jylla kiwa da pynpsiah pyrtuid hapoh ka MHIS em 4,25,468 tylli, iwa man 56.46%.
Da pyntip u leh wa em 172 tylli ki hospital hapoh ka jylla kiwa da pynkreh ya ka MHIS.
Hajrong i wym pdiang ki Hospital wa da yakreh wa ka MHIS, u Montri da kubur u wa em ki Hospital ki wym pdiang ya ka MHIS nei wym em ki Package neibhah ya kani ka Scheme da pynhaap ya kiwa kjut wow sumaar da ki Package.
