T. 10.65 klur chi bnai ka sut naka ram wa chim yow pynkhooid ya ka poisa wa sah ka MeECL

U Montri wa pait ya i kaam bordiñ hapoh ka jylla, u James PK Sangma da pyntip u wa ka sorkar Meghalaya daw hap ko wow su ya ka sut (Interest) 9.5% na ka ram lyngba ka Atmanirbhar Bharat Abhiyan wa e da ka sorkar India, kawa man ha i su wa T. 10.65 klur chi bnai, kawa hap sdang wow su nadooh 3 snem hadien wa yoh lut ya ka ram kawa poi T. 1345 klur.

Hawa jubab ya iwa kylli wa da wanrah da u Zenith M Sangma hapoh ka Yung Dorbar, u James da pyntip u wa ka MeECL da chim ko ya ka ram wa T.1345.72 klur lyngba ka Atmanirbhar Bharat Abhiyan yow pynkhooid ya ki ram yong ka MeECL kawa sah cha kiwi ki Company pynmih bordiñ.

Da pyntip u wa hadooh katni, ka MeECL da yoh pdiang ko T. 386.86 klur na katai ka ram, wei ka sut neibynta katai ka poisa wa da yoh chwa u man ko T. 3.06 klur chi bnai.

Hawa jubab chooh chooh ya iwa kylli pynrap, u James da ong u wa hanla ka MeECL ka em chwa ko ya ka ram kawa boon, ka sorkar jylla ym yohsa ko wow chim ya kani ka ram yong ka sorkar pyrdi kawa duna i sut la nujor wa kiwi ki ram, heiwa da pynrap u leh wa ka sorkar da chim ko ya kani ka ram hadien wa da dep wow pyrkhat sani bha.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

U Montri da ong u leh wa neidaw wa dap ram yong ka MeECL, ka sorkar da em yumut ko leh wow ekti pynlai ya katai ka Company bordiñ ka jylla cha ki Company ki bru samen.