Da u Shimphang Lyngdoh
Paar snieh i sñiaw waroh chi rynyieñ,
Su ki khubor slaitbor chawah chaneiñ;
Pynkhyrngiat lut ko ya ki kynthai khynnah,
I pyrkhat wa khia wym sñiaw ye de u chah.
Manbru paya wym em dor de kattu,
Ya ki kynthai khynnah wa pynhær rngu;
Su i tieñ i saait cha khim cha laad,
I mynsien bru da man hi-eh kam ki mrad.
Ka imlang sahlang da jæd da pra,
U lai u wan da sñiawtieñ sñiawmaa;
Hawa chong wa sah wym em de sñiaw chngaaiñ,
Yoh kabu ki damok neiwa synjor ki aiñ.
Related posts
Ka bor em ko ha kti yong ka sorkar,
Wow thooh wow kdong ya ki damok;
Lada em sakhiat i sñiaw kitkhlieh,
Ki sakhi sabut ym toh u murieh.
Ka bichaar wa hok yoosar kattu da wiar,
Su i doom i langoh wa i ñiawliar;
I dawa yei hok wa yooluti,
Ya ki daw waroh toh u pynche ki.
Mih chakhmat seiñbhalang waphær waphær,
Yoh u beiñ joor ya kiwa leh kaam wa phær;
Ha chnong ha thaw wym em hok ki u chong,
Na ka imlang sahlang ya ki toh ymchah de u chong.
