Ka TUR da beiñ joor ko yei chah slaitbor wei tynyap dusmon ki khynnah skur kynthai ha kini ki kajiak bnai wa da lai ha ki chnong wa haap hapoh ka East Jaiñtia Hills District. Ka TUR da phah ko leh yei sñiawlem cha kiwa hayung kiwa maad ya ini i sñiawsih.
Ki jia wa chyrkhei ha kani ka District da pyntieñ pynsier ko ya ki bru wa i chah slaitbor wei chah pynyap dusmon ki kynthai ha kylleiñ ka jylla da pynyoo che kdar ya i tlot wei i haap ki bor synchaar wa ki bor pynlai aiñ ha ka jylla.
I yada ya ki damok wa kiwa pynyap bru, da yoh ki yei pynchlur wei e mynsien ya ki wow nang pteiñ ya ki kaam sih, ki kaam pyntieñ. Wei ini da wanrah ko yei chong sier khamtam ki kynthai wa khynnah kiwa man kiwa chah ban beiñ kiwa hakhmat dooh.
Da ong leh wa em i kheiñ stiñ na ki bor sorkar wa ki bor District ki wym ye wow kdooh u khoom ya kini ki kaam slaitbor wei tynyap bru.
Ka TUR da dawa ko wow pynman yaka takit wa tikna wei wow pynsmat ya ka takit wei wow pynchitom ya kiwa emkti.
