Ka sorkar Meghalaya lyngba ka Health & Family Welfare Department da pynmih hukum ko ynne ka sngi yow pynkylla ya ki kyndon neibynta kiwa psiah chapoh ka jylla kam chibynta wow yada nei poor u khñiang COVID-19 neidaw wa da ku biang kiwa yoh ya uni u khñiang ha kiwi ki jylla kamjooh wa mih ki jait thymme uni u khñiang.
Waroh kiwa psiah chapoh ka jylla hap ki wow Register chwa wow lai luti ki deiwa lai ha http://meghalayaonline.gov.in/covid/testing.htm, u Download yaka Arogya Setu App waka Behavioural Change Management App ka Meghalaya na Google Play Store.
Waroh kiwa psiah chapoh ka jylla na kiwi ki jylla hap ki wow em yaka COVID-Negative Report yow yoh ki wow psiah deiwa rah yaka RT-PCR /TruNat /CBNAAT khamtam ya kiwa wan na Maharashtra, Kerala, Punjab wa Karnataka.
Yaka RAT Negative u pdiang du ya kawa leh 72 kynta chwa wow poi haka Entry Point. Ya kitu kiwa ym em yaka COVID Negative Report, daw hap ki wow leh yaka RT-PCR Test ha ki Entry Point deiwa hap su dei dor, wei kini kiwa hap leh kamni daw hap leh Quarantine ki ha i thaw sah hadooh wa pynbna yaka Result.
Ya kiwa wan na baar ri, kiwa em ya ka Final Certificate of Vaccination lane ka COVID-Negative Report ym emkaam wow leh ki yei Test ha ka Entry Point.
Ya kiwa ym em yoh dawai yada COVID-19 kamjooh kiwa ym em yaka COVID Negative Report daw hap ki wow su wow leh yaka RT-PCR Test wei ym chah yaki wow leh ki daka RAT.
Waroh kiwa wan na baar ri hap ki wow leh yaka Home Quarantine lane ka Quarantine ha ki thaw wa hap dei su hanla ka Result ki man Negative ko.
