Da u Soolangki D. Laloo
Tympang u tip ynne ka sngi
Hapoh ka Raij ka chnong yong i
Niam rukom katkam ki hukum adong
Da sdang u pynthiah da sdang u pynchong.
Leh Niam Kbai Mooknor ynne da sdang
E wyrta chula hakhap u waboon walang
Yoh ki jan ki jngai u tip u tayar wa datoh i por
Dei kbai i kyriaw najrong ki Mooknor.
Nadooh kani ka sngi, adong niam da ong
Wym hoi de u rah chyien na palat Raij chapoh chnong
Kaap hukum, adong yong i duhai
Yaman i booh i sien, ki Syiem ki Blai.
Ha ki soo samoi yong ka pyrthai
Sarin ki kaam niam wa pyndep ha Raij Jowai
Dolloi, Pator, Langdoh, Sangot, Wasan, Waheh
Hei burom u Trekirot, sarin ka niam wa pyndep wa leh.
Makhane yei kyrkhu wa da yoh
Burom u Trekirot, ki Blai ki Syiem kune ksooh
Pynsarot kyntang yei man khroo yong ki
Kam wa narim da pynjooh sikai ya i.
