Ka All Jaiñtia Cricket Association (AJCA) u lai chimbynta ko haka Inter-District Under-14 (Boys) Cricket Tournament 2021 kawa pynman daka Meghalaya Cricket Association ha Nongpoh, Ri-Bhoi.
Ini toh i sien wa nyngkong ya ka AJCA wa chimbynta ko ha ki yalehke ki khynnah wa 14 snem chapoh heiwa yaka da booh lang hapoh ka Zone-1 wa emlang ka Shillong Cricket Association, ka Ri-Bhoi District Cricket Association, East Khasi Hills Cricket Association waka East Jaiñtia Hills District Cricket Association kawa daw sdang haka 22 tarik uni u bnai ha madan Nongkrah, Nongpoh heiwa daw yachem nyngkong ko waka SCA katwa ka East Jaiñtia daw yachem ko waka Ri Bhoi haka jooh ka sngi.
Ya kiwa yalehke ka AJCA da yahkhmat da u Yoohimitre Patwet kam u Coach heiwa chwa wow mih ki na Jowai da pynman yaka yalang yachemlang deiwa yoh ya ki kyntien sneiñ, kyntien e mynsien na u President ka AJCA uwa da ong wa toh u man kiwa em akor wa em burom wei kiwa man ryntih hawa yalehke yow rah ki yaka burom yong ka District kamjooh leh yaka Association wa ya ka yung ka sem yong ki.
Kiwa yalehke ka AJCA ha kani ka Tournament man ki kamni ha wah:
- Eshan Siangshai
- Heiyoomiki Ryngkhlem
- Mar-emdor Sutnga
- Ha-uni Dachan Pohleng
- Waibhami Ryngkhlem
- Samiki Pariat
- Redolent Shadap
- Da-uni Niangti
- Rioo Deilang Niangti
- Armanki Patwet
- Ewanmidaoo Pyrtuh
- Roneyson Pasi
- Pynioowan Niangti
- Chwaki Ksoo
- Namewanki Pakyntein
Coach: Yoohimitre Patwet
