Ynne ka sngi ka KSU Namdong Unit hajrong i ood i naam yong kiwa thiah kjut ha ka Namdong PHC ha ka seiñ wa thiah ki hei doom ha katai ka thaw sumaar.
Kamtæ hapoh i yahkhmat u Vice President u Timing Lyngdoh wa u General Secretary u Juhhi Tariang wa ki dkhot da lai pait ki da i khmat yong ki wei da chem sakhiat wa ym krehkaam ki Solar Panel ha katai ka PHC.
Ki wakreh katai ka PHC da pyntip ki wa kitai ki Solar Panel da sih ki la kamwa 3 tayaw najrong wa kani ka thaaiñ ym jooh biang i bordiñ wei da chem leh wa u Doctor yong katai ka PHC um joo sah miet u wei ynne ka sngi da em i jia tyrrah kari wa da mynsoo 4 ngut tangwa u Doctor ym em u ha katai ka thaw sumaar wei ini da booh ko hei eh chooh chooh ya kiwa thiah kjut wa kiwa kjut najrong wa duna ki wakreh.
Ka seiñ da pynsñiaw ko yei sñiawkhia yeiwa joor ka sorkar MDA wow leh beinah yaki paidbah kani ka thaaiñ kawa ym jooh em ap yeiwa ood wa naam boonsien ha ka sorkar.
ka KSU Namdong Unit da pynsñiaw ko leh wa da dep dawa ko boonsien na u DH&MO wow e hukum ya u Doctor wow sah ha kani ka thaw sumaar tangwa ym em mankaam i.
