La 3 sngi kiwa dang yoh COVID-19 ha India da em ki palat 40,000 ngut heiwa ha kini ki 24 kynta kiwa dang yoh da em ki 46,951 ngut, kiwa dang chait da em ki 21,180 ngut, kiwa dang yap 212 ngut iwa mut wa kiwa dang em ya uni u khñiang da ku ki da ki da 25,559 ngut.
80% na kiwa dang yoh toh kiwa em ha ki 6 tylli ki jylla kiwa boon dooh ha Maharashtra 30,535 ngut, Punjab 2,644 ngut, Kerala 1,875 ngut, Karnataka 1,715 ngut, Gujarat 1,580 ngut wa ha Madhya Pradesh 1,322 ngut.
Waroh kiwa da chait da em ki 95.75% kiwa em 1,11,51,468 ngut, kiwa dang em ya uni u khñiang da em ki 2.87% kiwa em 3,34,646 ngut, kiwa yap 1.37% kiwa em 1,59,967 ngut, deilang dapoi 1,16,46,081 ngut kiwa da dep yoh ya uni u khñiang hapoh ka ri.
Ya i dawai yada COVID-19 da dep e la 4,50,65,998 sien wa kynthup ya 77,86,205 ngut ki wakreh Health Care Worker, ki wakreh Front Line Worker 80,89,711 ngut, ki bru wa em 45-59 snem kiwa em chwa ki chitom da em 37,21,455 ngut katwa kiwa em 60 snem chaneiñ da em 1,79,70,931 ngut kiwa da dep yoh ya ini i dawai.
