Ki bor District deilang waka District Social Welfare Officer, West Jaiñtia Hills District, Jowai daw pynman ki yaka District Level Nasha Mukt Bharat Campaign Marathon Cross Country Run haka 27 tarik uni u bnai neibynta ki chynrang wa kynthai (Open Category) .
Yei phet u sdang nadooh na Kiang Nangbah Stadium Main Gate kawa daw lai na Ladthalaboh Main Road-Kiang Nangbah College-Bypass, Myntdu Bridge-Amlarem Bypass-Stand War-DC Office-New Hill National Highway-Kiang Nangbah Indoor Stadium (i thaw pynkut) wei ini daw sdang heipor 6 waje i step.
Kiwa kwah u chimbynta ye ki wow wan e pyrtuid pyn haka sngi wa pynman deiwa wan heipor 5:30 i step ha Kiang Nangbah Stadium, Ladthadlaboh, Jowai.
Kiwa yoh nyngkong daw yoh ki T. 7000, wa ar T. 5000 wa le T. 3000.
Daw em leh ka e kyrpang wa T. 1000 neibynta kiwa heh rta dooh wa kiwa khian rta dooh ki chynrang wa kynthai.
