Uwa yahkhmat ka National People’s Party (NPP) uwa man leh u Symbood Montri Rangbah ka jylla, u Prestone Tynsong da ong u wa i dawa pyndam noh ya u James PK Sangma na i kaam Montri Bordiñ da u General Secretary ka UDP, yoo la kamwa ym pu yoh yutip neiliang kiwi ki dkhot ka Party wa kynthup ya ki MLA kiwa emlang ha sorkar.
Da ong u wa kamwa da yoo ha i jia wa ka BJP leh, hadien wa yaklam wa ki MLA da chem wa ym em iyi iyi, deiwa pynrap leh wa ka sorkar da booh khnang ko da ka Coordination Committee wow yaklam ya ki eh, tangwa kamwa man katni ini i eh da man ko kamwa leh yong khynnah.
U Prestone da kyntait u wow ong chiboon hajrong i dawa yong ka UDP, tangwa da ong u wa ka Party hachwa wow chim ya iwon iwon i rai toh u ya chong chwa ya ka yalang yong ka Parliamentary Party wow yaklam, hadien itæ lada emkaam, toh u rah won ha ka Coordination Committee wow yachem bait wa u Montri Rangbah.
