Ka sorkar pyrdi lyngba ka Ministry of Defence (MoD) da rai ko wow chah ya ki sahep chipai wa da chong-ngiah (Retired) kiwa man chipai hapoh ka Short Service Commission (SSC) Officer ka Indian Army wow pynemkaam ya ki kyrdan chipai (Military Rank) yong ki.
Dang nachwa ki sahep SSC hadien wa kut i por wow kreh ki ym ye ki wow pynemkaam ya i kyrdan yong ki iwa da pynsñiawsih ya ki neibhah wa haap lai ki ka jooh ka luti kam ki sahep wa skem namo ki Permanent Commission Officer.
Ini i rai ka sorkar daw pyndooh ko yei sñiawdiaw ki chipai SSC Officers kiwa da chong-ngiah, wei daw pynchlur ko leh ya kiwi kiwa kwah wow psiah kaam chipai kamjooh e mynsien ko yaki SSC Officers kiwa katni.
I dawa wow pynemkaam ya ki kyrdan yong ki sahep SSC da sahkteiñ i nadooh u snem 1983 wei kini ki sahep man ki kam u budloom ka Indian Army neibhah wa kreh ki du 10-14 snem.
Nachwa ki sahep SSC kreh ki 5 snem neitæ da pynku cha ka 10 snem wei da pynku won cha ka 4 snem.
