Ynne ka sngi ha jylla Meghalaya da sdang yaka ‘School Health and Wellness Ambassadors Programme’ haka yalang wa pynman ha State Convention Centre, Shillong.
U Additional Chief Secretary ka sorkar Meghalaya, u D. P. Wahlang da wan u kam u kongsan katwa u Principal Secretary ka sorkar Meghalaya, u Sampath Kumar da wan u kam u symbood kongsan.
Ha kani ka sngi, u kongsan da pynlait u leh yaka kot wa yatoh wa iwa ye u leh ha ki skur yow yoh yei chait i khiah, ki Poster hajrong kini ki phang, kamjooh ki kot lakdop hajrong i emkaam wow yoh yei pyrkhat pyrdaiñ wa chait wa khiah.
Da pynlait leh ya ka phlim wa tbian hajrong ka School Health and Wellness Ambassador da u kongsan.
Kani ka School Health & Wellness Ambassadors Programme toh kawa em hapoh ka RKSK kawa kyrpang ya ki khynnah wa kiwa kiwa dang khai khynroo kiwa em 10-19 snem i rta.
Ha India da em 253 Million ngut kiwa em ha kini ki rta katwa ha Meghalaya da em ki 23% na waroh ki bru hapoh ka jylla katkam ka 2011 Census.
Ya kani ka School Health & Wellness Ambassadors Programme ha ka bynta wa nyngkong daw leh neibynta ki Class 6-12 ha Ri-Bhoi wa Class 9-12 ha West Garo Hills, South West Garo Hills, West Khasi Hills wa South West Khasi Hills. Yaka bynta wa ar neibynta ki Class 6-8 daw leh ha kini ki jooh ki District.
Ki phang wa hapyrdi kani ka Programme toh yow pynchlur ya ki khynnah wow yait ki na ki kaam wa ktah ya ki kam i dih kiad, dih duma, i punkhon dang khian kamjooh leh yow pait yei chait i khiah wa kiwi kiwi.
Yow poi thong, daw jied ya ki Health & Wellness Ambassador (HWA) kiwa ye wow pynchon ha i bor pyrkhat pyrdaiñ ki khynnah yow lai ki haka luti wa miat wa bha deiwa jied ya 4218 ngut ki HWA kiwa daw lai cha ki 2109 tylli ki skur ki 5 tylli ki District.
