Ynne ka sngi ki khynroo, ki khyllood, ki bru waheh naki skur, ki kynhun waphær waphær da wan chimbynta ki haka Workshop Cum Consultation Programme wa yatoh hajrong ka Draft Meghalaya Youth Policy 2021, yow ya phyllu yumut wei wow ya e buit ki wow thap yow pynjanai ya kani ka Policy haka yalang wada pynman daka yung krehkaam u Deputy Commissioner deilang waka yung krehkaam u District Sport Officer, West Jaiñtia Hills District ha Yungwalieh ka Tpep Pale, Jowai.
Da emlang ha kani ka yalang u Deputy Commissioner ka West Jaiñtia Hills District u Garod LNS Dykes, u District Sport Officer u K. Passah, ka R. Lyndem PTI, Ri-Bhoi District kawa da wai pang leh hajrong ka Draft Meghalaya Youth Policy 2021 najrong kiwi won wa da emlang.
Hei yaklam wa u District Sport Officer u K. Passah, khana u wa neiliang ka sorkar leh da dep booh ko ya kani ka Meghalaya Draft Youth Policy hapoh ka Website wei boon ki paidbah da yoo ki.
Neitæ i pynman won ya kam kani ka Workshop toh yow nang yoh chooh chooh ki yumut wow thap ha kiwon kiwon ki bynta wa em i duna hapoh kani ka Policy khnang yow man ko kawa dap wa biang ha waroh ki liang.
Hapoh ka Policy u kynthup ko nadooh ki Arts, Sports, Culture wa kiwi.
Chooh chooh ong u wa ym em mut wa du ha kani ka Workshop donhi wa ye ki paidbah wow e yumut tangwa ki paidbah ye ki leh u phah yei yumut yong ki lyngba ka email cha ka sorkar yow ye ko u leh yeiwa emkaam.
