Ka sorkar Meghalaya lyngba ka chnat puræ puthi da pynbna ko ya ki tarik pynman skur neibynta u snem 2021 iwa waroh ki skur hap ki wow bood.
Ka puræ puthi neibynta u snem 2021 hawa yatoh wa ki Pre Primary toh u kut ko ha u 30-11-21 katwa ya ki Class 1-12 u kut ko haka 22-12-21.
Ya ki Class 9 hadooh 12 hap wow pynman skur 2 sien ki sngi Saturday ha chi bnai yow pyndap ya iwa da dooh.
Ki skur toh u sdang ki nadooh ka 01-04-21 katwa ya ki Half Yearly Exam toh u pyndep haka 30-07-21 heiwa ka chuti lyiur u sdang ko nadooh ka 2 hadooh ka 6 tarik u Naisaphra (Aug) 2021.
I leh ya ka Selection Test neibynta ki Class X Private Candidate u man ko haka tayaw wa khaddooh u Naikhynde hadooh ka tayaw wa nyngkong u Naichiphaw 2021.
Ka tarik wa khaddooh wow pynuiñ ya ki Exam Form neibynta ki Class X wa Class XII toh u man ko haka 10-12-21.
Hap wow pyndep ya waroh ki lynnong (Syllabus) 100% ha uni u snem ha waroh ki kyrdan.
Ki skur hap ki wow e por ya ki khynnah kiwa ym em yohlaad wow leh yaka Online Learning lane kiwa pyndep yei pynkhreh dei bor yong ki samen neidaw wa em ka khlaam COVID-19 wei ini ym toh wow hoi u dam.
Hap leh wow pynkhreh ya ki Exam wa kyrpang ya kitu kiwa ym em yoh yaleh Online.
Ka sorkar da pynbna ko leh ya u snem 2020 kam u snem wym hoi wow ksoh Class ya ki khynnah waroh lait noh ya kitu kiwa yaleh yaka Class 10 wa Class 12 Board Exam.
