Ka Foundation Society Tpep Pale Dorbar Chnong, Jowai, ka Society kawa da seiñ ha u snem 2019. Ynnin ka 27 tarik da hiar ki cha Sahsniang i chnong wa em ka thaw ri khonswet ka NEIMA yow lai e yarap ya ki khynnah wa chong wa sah hapoh i pait i yoo ka NEIMA.
Ya ka yalang da pynlai da u Vice Chairman ka NEIMA uwa da pdiang burom ya ka Society, heiwa hadien ini da ekti wow pynlai yaka yalang da u President ka Society u Firstine K Mujat, wei da yoh i klam yei lai luti ka Society na u Heipormi Rymbai uwa man u Secretary ka Society.
Da yoh leh i klam na u Adelbeth Passah uwa da sneiñ da kroo ya ki khynnah wa chong wa sah deiwa ong wa ki man ki kiwa embhah tam, deiwa ong ‘A big family is a happy family’, da pynkynmoo u yaki khynnah wow man ki kiwa ri yei akor i burom, wow man kiwa minot kiwa leh chitom. Da kitbok kit rwiang u ya ki wa ka mynried ka mankawi ka yong ki u man ko kawa tyrchaaiñ, wei da ong u leh wa manda man ki kiwa biang khih biang kreh, manda man sahep ki, wow kynmoo ki leh u e ka kti timun tidiang cha kiwi tawon.
Da yoh leh yei ngooh Blai na u Dame Nanghuloo, hadein won da yoh ya ki kyntien sñiawngooh na u Asstt. Secretary ka NEIMA.
