Ka Joint Action Committee (JAC) wa kynthup ya ka Dorbar Chnong Lejri, Lahalein, Huroi wa Hingaria daw pynman ko da i yakhih deiwa lai-kjat paidbah namo ka Protest Rally ha kani ka 30 tarik uni u bnai.
Kani ka Rally u sdang ko nadooh 11:00 i sngi na Dienchynrum (Madan Football) chadooh ka Yung Krehkaam u Deputy Commissioner ka East Jaiñtia Hills.
I yakhih toh kam ka dak wow pyrchah ya ka sorkar jylla wa ka DoNER Ministry ka wym pynlait de ya ka poisa kawa T. 148 klur wow chna ya u sarok Rymbai Bataw Borkhat Sonapur Road (RBBS) wa u sarok Sonapur-Borkhat Road.
Hadien ka Rally daw em ka yalang paidbah yong ki bru kiwa na ka thaaiñ kamtæ da kyntu ya ki paidbah wow yawan ki cha kani ka yakhih khnang wa i dawa ki paidbah ka thaaiñ iwa da sahteiñ da ki phaw phaw snem kattu u man noh i iwa jop.
Kani toh katkam ka Wyrta na u Raja Suchen, uwa man kam u Secretary ka JAC, ya ka yutip wa bniah ye u phone ha u Number-7005715134.
