Jowai : Ka yalehke badminton wada tip kam ka 7th District Open Badminton Championship wa pynlai daka West Jaintia District Badminton Association kawa da sdang nadooh ka 9 tarik uni u bnai dapoi ko cha wa kut ha kani ka 12 tarik ha Khimmusniang Indoor Stadium Jowai.
Ha kani ka yalehke da wan yachimbynta nadooh na East waka West Jaiñtia Hills, ha i rta 45 snem chaneiñ waka Open to All.
Kani ka yakhun final ha kani ka sngi khaddooh da man kawa yoosuk wei pyn ka-it ya ki paidbah wa wan paitke.
Ha i yakhun yong ka Mens Single yei naam jop da yoh da u Mebankerlang Shullai deiwa pynrem u ya u H. Risami Passah da 21-11, 13-21, 21-12.
Ha ka Mens Double yei naam jop da yoh da u Mebanker Shullai wa u Arkiyoo Passah deiwa pynrem ki ya u Rimilan Passah wa u Ram Najiar da 21-18, 21-9.
Ha ka women single da jop da ka Balashembha Passah deiwa pynrem yaka Dorothy Challam da 21-11, 21-17.
Ha ka Womens Double da jop da ka Balashembha Passah waka Emilanadaka Chyrmang deiwa pynrem ki ya ka Dorothy Challam waka Wakani Toi da 21-17, 9-21, 21-18.
Haka mix double da jop da u Mebankerlang Shullai waka Emilanadaka Challam deiwa pynrem ki ya u Nangebormi Suting waka Balashembha Passah da 21-10, 21-17.
Haka Mens Single 45 snem chaneiñ da jop da u Polestar Niangti deiwa pynrem ya u Ambrose N Gatphoh da 21-14, 21-11.
Ha ka Mens Double 45 snem chaneiñ da jop da u Mewothi Nongpluh wa u James M Pohsngap deiwa pynrem ki ya u Ambrose N Gatphoh wa u Polester Niangti da 21-16, 21-13.
Da wan wow pynkut ia kani ka yalehke da u Superintendent of Police West Jaiñtia Hills u R. Muthu hei emlang ki dkhot ka Association wa kiwi kiwi.
Discussion about this post