Ka Elaka Darrang lyngba u Dolloi u Pyrwa Lymba deilang wa ki waheh chnong kiwa em hapoh ka Elaka Darrang kawa kynthup yaka Darrang, Shnongpdeng wa Dawki da rai ki wow khang ya ki thaw uiñke suwari haka 9 tarik uni u bnai (April), 2021.
Ya ini da leh neidaw wa daw em ka pynsñiaw paidbah namo ka Public Hearing kawa daw pynman ha Moosakhia hajrong wow chna Dam pynmih bordiñ haka wah Umngot.
Kamtæ neiliang ka Elaka deilang wa ki bor chnong wa ki seiñ wa pynlai ya ki kaam Tourism, da rai ki wow khang chi sngi ya ki thaw uiñke suwari wa em ha Darrang, Shnongpdeng wa Dawki wei neiliang u Dolloi da khut da wer u ya waroh wow ya ksohktilang khamtam ki marjan chnong kiwa em hapoh ka Elaka Darrang wa Nongtalang wow ya krehlang ki wa ka Elaka neibhah ha kani ka sngi neiliang ki paaid ka Elaka daw lai ki cha ka kani ka Public Hearing yow pyrchah yei thmu wow booh Dam ha ka wah Umngot neibhah lada leh ya ini daw ktah ko chiboon ya ki paaid ki raiot kiwa chong wa sah hajan kani ka wah.
