Neiliang kiwa kitkaam ka chnong Daistong, East Jaiñtia Hills District, lyngba u Waheh Chnong wa u Secretary chnong da e khublei sñiawngooh ki ya u MDC ka Sutnga Nongkhlieh Constituency, u Richard Singh Lyngdoh wa da e yarap u 10 tylli ki Solar Street Light wei ya kini da pynyieñ (Install) lut hapoh ka chnong ka thaw.
Neiliang ka chnong da ong ko wa ini i yarap da man sakhiat i kam i kyrkhu ya kiwa chong chnong ha i lai i wan hei miet i synyaw neibhah ka chnong dooh bordiñ ko dei langær neipor cheipor, khamtam manda wan u slap ka la’ær.
Da ekhublei ki leh ya oo wa kam u MDC da chakri u ya ka Constituency da palat 7 snem kattu khamtam heiyatoh wa i chna ya ka Community Hall wa kiwi ki kaam ka chnong.
Neiliang kiwa kitkaam chnong da ong ki wa hadooh kini ki sngi ym jooh em wa jooh yarap ya ki kam ka chnong.
Ka chnong da kitbok ko leh ya uni u MDC wow ye chooh u wow kreh neibynta ka chnong ka thaw dei kyrkhu u Blai na jrong.
