I pynjra-doh yong ki ri wa tip kam ka Multinational Military Exercise SHANTIR OGROSHENA 2021 (Front Runner of Peace) da sdang ko haka 4 tarik ha Bangabandhu Senanibas, Bangladesh kam chibynta wow lehwarom ya ka sngikha u pa ka ri Bangladesh, u Bangabandhu Sheikh Mujibur Rahman wa i dap 50 snem i lehkmen dap 50 snem wa laitlooid ka Bangladesh.
Ki chipai ka Indian Army wa kynthup ya ki 30 ngut da lai chimbynta ki ha ini i pynjra-doh chirup wa ki chipai ka Royal Bhutan Army, Sri Lankan Army waka Bangladesh Army nadooh ka 4 hadooh 12 tarik uni u bnai.
Da wan sakhi leh ki Military Observer na USA, UK, Turkey, Kingdom of Saudi Arabia, Kuwait wa Singapore.
I thong yong ini i pynjra-doh toh wow pynkhlan ya i yatoh lok hapyrdi kini ki ri wow wanrah yei chongsuk ha ka thaaiñ.
