Ynne ka sngi ki pulit ka East Garo Hills da khyrrup ki hadooh 239 tylli ki kuli siat lieñsuiñ namo ki Anti-Aircraft Ammunition wei ya kini da kem na u Crimson M Sangma ha Dobetkol najan ka District Jail.
Da suba wa kini ki kuli toh kiwa da ieh u Sohan D Shira uwa jooh man u Commander-in-Chief ka GNLA.
Ki pulit da kdong wei da booddien ki ya u Crimson la kattu katni bnai wei ynne ka sngi heipor 11:15 i step hadien wa yoh yutip wa tikna, ki pulit na Williamnagar da yoh ki ya kini ki kuli na i thaw wa tip kam i Dobetkolgre najan ka District Jail.
Ya kini ki kuli da yoh na u Sangma uwa 33 snem i rta uwa na Nabokgre Songmong wei da kit ya oo cha Williamnagar Police Station wow leh yeiwa emkaam.
