Ka sorkar Meghalaya da pynmih hukum ko yow pynkylla ya ki kyndon kiwa psiah chapoh ka jylla nadooh ka 9 tarik uni u bnai deiwa pyndam noh ya waroh ki kyndon kiwa pynmih nachwa.
Waroh kiwa psiah chapoh ka jylla lait noh kiwa napoh ki jylla North East hap rah ki yaka RT-PCR/CBNAAT/TruNat Negative Report wei lada ym rah ya kini daw hap wow Test deiwa su. Ki COVID Negative Report u krehkaam ki du hapoh 72 kynta nadooh wa Test ya ki hadooh wa poi ha ki Entry Point. Kiwa psiah chapoh ka jylla kiwa Test daka RT-PCR ha ka Entry Point, hap ki wow lai leh ya ka Home Quarantine lane deiwa leh yaka Quarantine ha ki thaw wa hap dei su hadooh wa yoh yaka Test Result.
Kiwa psiah kiwa em yaka COVID Negative Report tangwa em ki ya ki dak ki chin, daw hap ki wow leh daka RT-PCR Test.
Ya kitu won kiwa em yaki Negative Report kiwa biang, daw lait ki nei chah Test.
Ya kitu won kiwa wan napoh ki jylla kiwa napoh North East kiwa psiah chi sngi daw Test ya ki da ka RAT .
Kiwa wan na bar ri hap ki wow rah yaka Negative RT-PCR Test Report kawa da Test 72 kynta chwa wow poi wei lada ym em ya kani, daw Test daka RT-PCR.
Waroh kiwa wan na bar ri hap ki wow leh yaka Home Quarantine kawa 7 sngi hanla man Positive lane Negative ka Result ki.