Kam chibynta wow pyndep ya ka lehniam yong ka Seiñraij Barato neibynta ka Blai Sanman kamwa da jooh leh da ki warim longchwa manchwa kawa man leh ka lehniam kawa kyrpang wow pynneh ya ka dustur riti.
Kamtæ ha uni u snem 2021 ya ka Kñia daw pynman ha ka sngi Mulong ka 12 tarik uni u bnai ha chnong Barato, West Jaiñtia Hills.
Kamtæ ka Dorbar Chnong da pynbait ko ya ka rukom mih rukom psiah ki kari kamni hawah:
Ymchah u psiah kari cha dong Loom Iaw i thaw wa pynman ya kani ka lehnia ha ka sngi Mulong 12 tarik nadooh 12:30 i sngi hadooh 7:00 i miet.
Ki kari wa wan na ka thaaiñ Saba wa Mukroh hap lai ki na Pdeiñkarot cha Dong RC.
Ki kari wa wan na thaaiñ Chilliang Myntang Thangrain hap lai ki na ka Lad Maitdeiñ yow mih ha Pdeinkarot.
Kamtæ da kyrpad ya ki paidbah u sñiawbha ki u yakreh lang khnang wow lai bait kani ka lehniam.
Kani toh katkam wa pyntip u Waheh Chnong Barato.
