Ha i miet ka sngi thohdieñ, ka MPUF, ka JSU Shangpung Unit, ka HNPF wa ka KSU-SU heipor kamwa 11:45 da yoh kem ki ya kawi ka kari Tourist wa em Number ML-05N-8824 kawa kit ya 5 ngut ki baar jylla kiwa suba wa wan ki na Nepal.
Ya kini ki bru da kem na Shangpung Pohchnong katwa dang thmu ki wow lai kreh cha ka karkhana Coke wa 2 ngut na kini da kam ki wa chongkha ki ha Mynska, West Jaiñtia Hills.
Hadien wa takit bniah da chem wa waroh ym em ki ya ki kot ki sla wa biang kam na ka Labour Department wei wot tang ki ID Card, wei ini i wan yong ki toh iwa khlem yurim neibhah wa kam ha kini ki por wa sdang khai biang ka khlam COVID-19 tang ki Test leh ym em leh ki katkam wa phah ka sorkar lyngba ka chnat i chait i khiah.
Ya kini waroh da phah liwan biang ya ki cha ki chnong wa wan ki.
Neiliang kiwa kitkaam kini ki seiñ da beiñ joor ki ya ki heh spah wa kiwa emkaam wakreh wa ymye ki wow pynbiang ya ki kot ki sla neibhah ini i lehstiñ daw ktah i ya ka jaitbru.
Da beiñ leh ya ki kynthai wa chongkha ki wa ki dkhar.
