U Mark Zuckerberg man u uwi na ki bru wa mahajon dooh ha pyrthai wei man u kam uwi na kiwa sdang ya ka Facebook wei heijooh i por da man u leh katni kam u Cheif Executive Officer (CEO) yong ka wei katni daman u kam uwi na ki bru wa mahajon dooh ha pyrthai.
Ha kani ka kynti neiliang ka Facebook da kam ko wa da pynlut ko hadooh kamwa $23 million neibynta wow sonteri (Security) ya oo du ha u snem 2020.
Ini i pynlut ka Facebook da ryngkat i ya ka T. 171 klur ka poisa India ha u snem 2020 iwa man T. 14 klur tam ha ka chi bnai wei lada kheiñ ha ka chi sngi da man i T. 47 lak tam du wow sonteri ya oo.
Neiliang ka Facebook pynlut ko ya kani ka $23 million ym du yada ya u Zuckerberg wa i yung u tangwa wot ya kiwa hayung hasem u.
Ya kani ka poisa wow sonteri ya oo kynthup i nadooh ha ki thaw sah namo ki yung u, i por wa lai luti u wa hawa psiah u cha ki dukan dukdoh.
