Ka DC ka East Khasi Hills District da pynbna ko wa katkam ka hukum wa pynmih ka chnat Health and Family Welfare ka sorkar Meghalaya wa pynmih haka 9 tarik uni u bnai, da jied ya ki Hotel hapoh East Khasi Hills District wow man ki thaw leh Quarantine kiwa hap dei su dei dor namo ki Paid Quarantine Hotels yow pynemkaam ki bru wa liwan kiwa dang yang yaka COVID-19 Test Result.
I dor kamra ym toh deiwa kheiñlang waka GST wei daw hap leh wow su ya i bai baam.
Kiwa liwan daw Test ya ki da ka RT-PCR ha ka Entry Point wei daw hap ki wow sah ha kini ki Paid Quarantine hadooh wa pynbna ya ka Result. Ki Test Result toh kiwa yoh hapoh 48 kynta. Lada ka Test man Negative ko, daw pyntip lyngba i SMS lane deiwa pait ha www.coronamegh.in wei kini ki bru daw ye ki wow pteiñ yei kaam yong ki.
Lada chem won wa toh kiwa yoh ya ini u khñiang, hap wow bood ya ki kyndon deiwa chong kset samen ha yung lane ha ki thaw wa booh da ka sorkar. Kiwa liwan hap ki wow booh yaki kyndon wa booh da ka IDSP.
Da khang ya kiwa leh Quarantine wow mih ki cha lait hadooh wa yoh ya ka Result. Hap ki leh wow deiñ ya ka Mask ha waroh ki por, u bood ya ka Social Distancing kamjooh wow man kiwa lehkhooid.
