Ka jylla Maharashtra da rai ko wow kyrriah tarik ya ki State Board Exam neibynta ka Class 10 wa 12 hapyrdi i ku kiwa yoh COVID-19. Ki Exam Class 12 daw pynman cha wa kut u Naisan katwa ki Class 10 daw pynman ha u Naiynru, da pyntip ka montri ka chnat puræ puthi ka jylla ka Varsha Gaikwad ynnin ka sngi. Ya ki tarik wa bniah ym pu em pynbna wei daw rai hadien won iwa chong hei long i man ka khlam.
Da ong ko leh wa kamwa man katni ym toh iwa chngaaiñ wow pynman Exam wei hap wow pyrkhat yei chait i khiah ki khynnah.
Da rai wow kyrriah ya ki Exam hadien wa yaklam wa ki khynnah, ki bei ki pa, ki bru wa chemphang ha ka puræ puthi, kiwa mihkhmat paidbah wa kiwi kiwi.
Da pyntip ko leh wa daw thoh cha ki CBSE, ICSE, IB, Cambridge Board hajrong i kyrriah tarik.
Ka Maharashtra toh kawa chah ktah dooh na ki jylla hapoh ka ri haka khlam COVID-19, heiwa du haka da em palat 34 lak ngut kiwa da dep yoh ya uni u khñiang nadooh wa sdang heiwa ha kani ka la-ær wa ar ka khlam da em ko palat 50,000 ngut kiwa yoh ya uni u khñiang man-ka-sngi.
Ka Maharashtra Board Class 10 Exam toh kawa da dep pynbiat wow sdang haka 29 tarik uni u bnai katwa yaka Class 12 won da dep wow booh u sdang haka 23 tarik uni u bnai.
