Ka seiñ Confederation of Ri Jaiñtia Movement ynne ka 14 tarik da pynthymme ko ya kiwa kitkaam yong ka ha ka yalang wa pynman ha Conference Hall ka Paradiso, Jowai kam chibynta wow chakri ya ka ri wa ka jaitbru waroh kawi.
Kiwa kitkaam ka seiñ kynthup ki ya u President u Pynjurbha Suchiang, Secretary u Binit Suchiang, Environment Secretary u Sylvester Lamare, Arts and Culture Secretary u Arkini Sungoh, Sports Secretary u Lamiki Phyllei, Education Secretary u Iooki Sungoh ryngkat wa kiwi ki dkhot.
Ha kani ka sngi da emlang ryngkat u President warim ka seiñ, u Wandahun Suchiang wa u President ka KJNU u Niman Shadap kiwa da kitbok kitrwiang ya ki dkhot wa thymme ka seiñ deiwa kyntu ya ki wow kreh ki na mynsien neibynta ka Ri Jaiñtia wa ki paidbah waroh.
Ya kiwa kitkaam ka seiñ da yahkhmat wow khlai ya ki kyntien kular da u President warim yong ka.
Neilang u President wa thymme ka seiñ da kular u wow pteiñ ya ki kaam wa sahteiñ yong ka seiñ wei wow chakri ya ka ri wa ka jaitbru waroh kawi.
Kani toh katkam ka Wyrta na u President ka seiñ, u Pynjurbha Suchiang wa u Secretary u Binit Suchiang.