Kiwa dang yoh COVID-19 ha India ha ka sien wa nyngkong da poi ki 2 lak ngut deiwa em 2,00,739 ngut kiwa dang yoh, kiwa dang chait da em ki 93,528 ngut, kiwa dang yap 1,038 ngut iwa mut wa kiwa dang em ya uni u khñiang da ku ki da ku ki 1,06,173 ngut ha kini ki 24 kynta.
81% na kiwa dang yoh COVID-19 toh kiwa em ha ki 10 tylli ki jylla kiwa boon dooh ha Maharashtra 58,952 ngut, Uttar Pradesh 20,439 ngut, Delhi 17,287 ngut, Chhattisgarh 14,250 ngut, Karnataka 11,265 ngut, Madhya Pradesh 9,720 ngut, Kerala 8,778 ngut, Gujarat 7,410 ngut wa ha Rajasthan 6,200 ngut.
Na kiwa dang yap kiwa boon dooh toh ha Maharashtra (278), Chhattisgarh (120) wa ha Delhi (104).
Ki jylla wym em kiwa dang yap toh ha D&D & D&N, Tripura, Meghalaya, Sikkim, Nagaland, Mizoram, Manipur, Lakshadweep wa Arunachal Pradesh.
67% na waroh kiwa dang em ya uni u khñiang toh kiwa em ha ki 5 tylli ki jylla kiwa boon dooh ha Maharashtra (41.69%), Chhattisgarh (8.06%), Uttar Pradesh (7.60%), Karnataka (5.81%) wa ha Kerala (3.98%).
Waroh kiwa da chait da em ki 88.31% kiwa em 1,24,29,564 ngut, kiwa dang em ya uni u khñiang da em ki 10.46% kiwa em 14,71,877 ngut, kiwa yap 1.23% juwa em 1,73,123 ngut, deilang dapoi 1,40,74,564 ngut kiwa da dep yoh ya uni u khñiang hapoh ka ri.
Heiyatoh won wa i e dawai yada na u COVID-19 hapoh ka ri, da e la 11,44,93,238 sien heiwa ynnin da e hadooh 33,13,848 sien.
Na waroh kiwa da dep yoh dawai tika, da em 10,00,21,692 ngut kiwa da yoh chisien wa 1,42,96,763 ngut kiwa da yoh la arsien.
