Ka Dorbar Chnong Khimusniang da pyntip paidbah ko wa kiwon kiwon kiwa em thaw næ yung hapoh u pood u ang ka chnong kiwa kwah wow Register næ leh Land Land Holding emkaam wow yoh chwa ki ya ka NOC na ka Dorbar Chnong.
Kiwon kiwon kiwa thmu wow pynkreh ya iwon iwon i jait kaam kam wow chna yung, kær pood (Fencing) wa kiwi kiwi ki jait kreh hapoh u pood ka chnong emkaam wow pyntip cha ka yung krehkaam ka chnong wei emkaam leh wow yoh ki ya ka NOC chwa wow sdang i kreh.
Heiyatoh wa kiwa thied thaw kiwa hapoh u pood ka chnong emkaam wow pyntip chwa cha ka Dorbar Chnong wei ya ka Dostabit yadai yathied emkaam wow thoh da ka chnong.
Kiwon kiwon kiwa tyngkheiñ næ leh pyrchah ya kini ki kyndon la ki tre chnong mo ki baar chnong, neiliang ka Dorbar Chnong ye ko wow pyndooh ya i emkaam yong ki wei ye leh wow thoh cha ki bor ka aiñ.
Heijooh i por ka Dorbar Chnong u chah ko ya kiwa sikai yah thuk-thuk (scooty/bike) wa kari toh du hapoh 7:00 i step, khnang wow wanrah yei chngaaiñ ya ki paidbah kamjooh leh ki khynnah skur wa kiwa lai wa wan wei kiwa leh pyrchah daw pynchitom ya ki katkam ki kyndon ka dorbar chnong.
