Ki dkhot yong ki seiñbhala hapoh ka lama yong ka Confederation of Meghalaya Social Organizations (CoMSO) ynne da yakhih syndet ki haphrang ka Secretariat wow dawa pynkrehkaam noh ya ka Inner Line Permit (ILP) ha jylla.
Da em da ki spah ngut ki dkhot ki seiñbhalang kiwa tia cha Secretariat wow dawa ya ka ILP deiwa kbai ya ki kyntien wa ong “No ILP, No Rest” wei kamjooh leh wow beiñ ya ka sorkar.
Neiliang u General Secretary yong ka seiñ Hynniewtrep Youth Council, u Roykupar Synrem da ong u wa ini i yakhih toh wow kyrsu ya ka sorkar wei kamjooh leh wow maham ya ka wow e yeiwa dawa ILP hapoh ka jylla.
Kam wow pynkynmoo heini da em palat chi snem kattu nadoooh wa ka yung dorbar chna aiñ ka jylla da pdiang ko ya ka Resolution wow pynkrehkaam ya ka ILP hapoh ka jylla tangwa ini da man i iwa sahteiñ bait ha ka sorkar pyrdi kawa dang puræ bniah ya ini i kaam.
