Ka sorkar pyrdi da pynbna ko ya ka Atmanirbhar Bharat 3.0 Mission COVID Suraksha wow pynsmat ya i chna wei u pynmih ya i dawai yada COVID-19 wei ya kani ka Mission da pynkrehkaam da ka Department of Biotechnology.
Hapoh kani ka Mission, ka Department of Biotechnology daw yarap poisa ko ya ki thaw wa pynmih (Manufacturing) dawai wow chna rap boon ki ya i dawai.
Ya i dawai Covaxin daw pynmih ar chah kat na u Naisan-Naiynru wei neitæ won cha ka 6-7 chah ha u Naiynñiaw-Naisaphra, iwa mut na ka 1 klur Dose ha u Naitung cha ka 6-7 klur Dose ha ka chi bnai ha u Naiynñiaw Naisaphra wei 10 klur Dose ha u Naikhynde.
Chibynta yong ini i thong krehkaam, ka Bharat Biotech Limited, Hyderabad wa kiwi kiwi ki thaw chna dawai ka sorkar daw yarap ya ki heiyatoh wa ki tiar ki tar wow chna ya i dawai.
Ka sorkar pyrdi da e yarap ko leh T. 65 klur cha ka karkhana wa thymme ka Bharat Biotech ha Bangalore wow ye ko u pynmih rap boon i dawai yada COVID-19.
Da yarap leh ya ki 3 tylli ki karkhana sorkar (Public Sector Company) wow ye ki u pynmih rap boon i dawai COVID-19.
