Ka seiñ JSM-Nartiang Circle da ong ko wa man iwa sñiawsih ya kiwa chong chnong ka thaaiñ Nartiang wa chah khang luti ki wow lai cha ka Myntang hadien wa da chem ki dei khmat wa ya ka sarok wow lai cha ka wah Myntang da khang da u MLA ka thaaiñ uwa da booh leh yei por psiah por mih cha ka wah Myntang.
Ka seiñ da ong ko wa ka wah Myntang toh kawa boon wa lai khwe cha ka na kiwa boon ki chnong tangwa da phylla won wa wot ya ka wah dang khang luti wei da pynchrai ko ya ka JSM-Nartiang Circle wa boon kiwa lai wa wan hap ki wow sahkut neidaw wa em ka Gate wa khang luti.
Ka seiñ da ko wa ym ye u len wa em ka paar moo u MLA tangwa neiyi i daw wa hap wow khang yei lai cha ka wah Myntang wei i tih moo da pynsih ko hadooh ka luti wow lai cha katai ka wah, kamtæ ka seiñ da ong ko wa da kani ka khubor da pyntip cha u MLA wow sñiawbha u pynche lane pynbha ya ini.
Hajrong ini, ka seiñ da e por ko chitayaw wow pyndam noh ya kani ka Gate lym kamtæ neiliang ka seiñ daw sai ko ya katai ka Gate.
