Ka sorkar Meghalaya ynne ka sngi da pynkylla ko ya ki kyndon heiyatoh wa ki yalang paidbah kiwa da pynbna haka 13 tarik uni u bnai heiwa ki kyndon thymme man ki kamni ha wah:
Hawa pynman ya ki yalang yong chnong, ki yong niam wa ki yong ki bru samen u chah du 50 ngut lada pynman hapoh yung kane chi pawa na iwa ye u em ki bru wei deiwa jied da iwa duna dooh na kini. Lada pynman won cha lait u chah du 100 ngut ki bru lane chi payaw deiwa jied ya iwa duna dooh na kini. Emkaam leh wow yoh bor na ki DC chwa wow pynman ya ki yalang.
Heiyatoh won wa ki yalehke Sports kiwa pynman cha lait, u chah du 100 ngut donhi ki bru lane chi pawa iwa hap wow jied iwon wa duna dooh.
Ki Cinema Hall u krehkaam ki du chi pawa donhi iwa hoi u chong ki bru.
Ha ki thaw mane Blai won, u pteiñ ki wow krehkaam deiwa chah du 50% donhi i em ki bru deiwa bood ya ki kyndon yada COVID-19.
Da kyntu leh ya ki paidbah wow bood ki ya ki kyndon kamjooh da phah ya ki DC ki SP wow pyntikna ki wa da bood ya ki kyndon wei wow daiñ kuna ya kiwa leh pyrchah, wei man-ka-sngi u phah ki ya ka Report cha ka Home (Political) Department katwon yoh ki wow daiñ kuna
Ki DC ye ki wow booh leh yei por wa ye u leh ya ki kaam ha ki District wei ye ki leh wow khang ya kiwon kiwon ki kaam iwa chong hei long i man.
