Ki paidbah ha kylleiñ ka ri da khñium ki yei em ki Toll Plaza ha ki sarokbah neidaw wa chah pyndik ki ha kini ki thaw khrong dan khamtam hadien wa pynkrehkaam ya ka FASTag iwa da wanrah yei awri neipor cheipor.
Ha kani ka kynti ki paidbah ka chnong Hejamadi kawa em ha u sarokbah Mengaluru-Udupi ha jylla Karnataka da chna ki da u sarok wa lai narood ka Toll Plaza wow pynlai ya ki kari yong ki.
Neiliang ki tre chnong da jooh dawa ki wow em ka Toll-free Service Road namo u sarok wow lait u su ya ka dan ha ka Toll Plaza khamtam neibynta yong ki.
Manda sdang pynkrehkaam ya ka FASTag ym em de u chah ya ki kari khamtam ki Bus kiwa thooh bru na kani ka chnong wei ka Gram Panchayat da dawa ko wow pynlait ya ka dan na kini ki Bus tangwa ym em wa ap ya ka.
Kamtæ ka Gram Panchayat dei chrai da rai ko wow sai da ki pooh chiloom wow chna sarok narood kani ka Toll Plaza wei hadien ini da wan ki heh ka Toll Plaza wow kyrpaad wow sangeh yei kreh tangwa ki paidbah dei chrai ym em de u ap ki ya ki wei da sangeh ki hadien wa yoh dei thoh wa kular wow pynhiar ya ka dan.
Source: Bangalore Mirror.
